பாகிஸ்தான் கடன் விவகாரம் சிக்கல் – IMF எச்சரிக்கை!
பாகிஸ்தான் வெளிநாட்டு வர்த்தக புள்ளிவிவரங்களில் முரண்பாடு இருப்பதாக, சர்வதேச நாணய நிதி (IMF) நிறுவனம் எச்சரித்துள்ளது. இதன் மூலம் அந்நாட்டின் நம்பகத் தன்மையை சர்வதேச அளவில் கேள்விக்குறியாக்கியுள்ளது.
1958 முதல் பாகிஸ்தான் 25 முறைகளுக்கு மேல் IMF-இல் கடன் பெற்றுள்ளது, சராசரியாக ஒவ்வொரு இரண்டரை ஆண்டுகளுக்கும் ஒரு ஒப்பந்தம் என்ற அளவில். விரிவாக்கப்பட்ட நிதி வசதி மற்றும் நிலைத்தன்மை வசதி என இரண்டு கடன் திட்டங்களில் பாகிஸ்தான் நிதி உதவி பெற்றுள்ளது.
மருவட்டுப்பட்ட 7 பில்லியன் டாலர் முதல் திட்டம் சில கட்டங்களில் வழங்கப்பட்டு, இரண்டாவது திட்டத்தில் சுமார் 1.3 பில்லியன் டாலர் வழங்கப்பட்டுள்ளது. ஆனால் அடுத்த கட்ட கடன் பெறும் போது பாகிஸ்தானின் நிதிகணக்கில் முரண்பாடுகள் இருப்பதாக IMF கண்டுபிடித்துள்ளது.
PRAL மற்றும் PSW நிறுவனங்களின் இறக்குமதி தரவுகளில் 5.1 பில்லியன் டாலர் வித்தியாசம், பின்னர் 5.7 பில்லியன் டாலர் வரை உயர்ந்துள்ளது. PSW வழங்கிய மொத்த இறக்குமதி மதிப்பு, ஸ்டேட் பாங்க் ஆஃப் பாகிஸ்தான் கணக்கீடுகளைவிட அதிகமாக உள்ளது.
இந்த முரண்பாடுகள் நடப்புக் கணக்கு உபரியைக் கணக்கிட பயன்பட்டதாகவும், தரவு மூலங்கள் மாற்றப்பட்டதற்கான காரணமாக இருந்ததாக பாகிஸ்தான் அதிகாரிகள் IMF-க்கு விளக்கியுள்ளனர். மேலும் சர்வதேச வர்த்தக மையத்துக்குச் சமர்ப்பிக்கப்பட்ட தரவு முழுமையாக இல்லாதது பாகிஸ்தான் அதிகாரிகள் ஒப்புக்கொண்டுள்ளனர்.
IMF, பாகிஸ்தானை தரவு வெளிப்படையை உறுதிப்படுத்த வலியுறுத்தியுள்ளது. கடந்த நிதியாண்டுகளில் இரண்டு அரசு நிறுவனங்கள் வழங்கிய வர்த்தக தரவுகளில் சுமார் 11 பில்லியன் டாலர் மதிப்புள்ள முரண்பாடுகளை சரிசெய்யுமாறு பாகிஸ்தானை எச்சரித்துள்ளது.
