எனக்கு ஓய்வு கிடையாது – மருத்துவமனையிலிருந்து வீட்டுக்கு வந்த ராமதாஸ் கூறியது

சென்னை அப்போலோ மருத்துவமனையில் இருந்து பாமக தலைவர் ராமதாஸ் வீடு திரும்பினார்

சென்னை கிரீம்ஸ் ரோடு அப்போலோ மருத்துவமனையில் அக்டோபர் 5ஆம் தேதி பாமக நிறுவனர் ராமதாஸ் அனுமதிக்கப்பட்டிருந்தார். ஆஞ்சியோகிராம் பரிசோதனை மேற்கொள்ள ராமதாஸ் மருத்துவமனையில் இருந்த போது, முதல்வர் மு.க. ஸ்டாலின், எடப்பாடி பழனிசாமி, துணை முதல்வர் உதயநிதி ஸ்டாலின், சீமான், கமல்ஹாசன், நயினார் நாகேந்திரன், துரை வைகோ, செல்வப்பெருந்தகை உள்ளிட்ட பல அரசியல் தலைவர்கள் அவரை நேரில் சந்தித்தனர்.

மருத்துவ சிகிச்சை முடிந்த பின்னர் ராமதாஸ் தனது வீட்டிற்கு புறப்பட்டார். மருத்துவர்கள் ஓய்வு எடுக்க அறிவுறுத்தினாரா என்ற கேள்விக்கு, ராமதாஸ்: “எனக்கு ஓய்வு கிடையாது” எனத் தெரிவித்துள்ளார். அவரின் உடல் நலன் முழுமையாகச் சரியுள்ளதாகவும், எந்த குறையும் இல்லாத நிலையில் இருக்கின்றதாகவும் அவர் கூறினார்.